लालबन्दी, माघ-११, लालबन्जी जेसीजको छैठौं पदस्थापन समारोह शुक्रवार आज सम्पन्न भएको छ ।
लालबन्दी ९ स्थित होटल आर्या इनमा आज साँझ अबेर पदस्थापन समारोह सम्पन्न भएको हो ।
लालबन्दी जेसीज वर्ष २०२४ का अध्यक्ष उपेन्द्र महतोको अध्यक्षता तथा लालबन्दी नगरपालिकाका प्रमुख बासुदेव अधिकारीको प्रमुख आतिथ्यतामा पदस्थापन समारोह सम्पन्न भएको हो ।
उक्त समारोहमा ईश्वरपुर नगरपालिकाका प्रमुख मनोजकुमार आचार्य, लालबन्दी नगरपालिकाका उपप्रमुख कल्पनामाया पाख्रिन, लालबन्दीका निवर्तमान नगरप्रमुख मानबहादुर खड्का, विभिन्न वडाका वडाध्यक्ष, नगरभित्र क्रियाशील राजनीतिक दलका प्रमुख तथा प्रतिनिधि, विभिन्न जेसीज शाखाका पदाधिकारी, शिक्षक, सामाजिक अगुवा, संघसंस्थाका प्रमुख तथा प्रतिनिधिलगायतको आतिथ्यता रहेको थियो ।
समारोहमा लालबन्दी जेसीज २०२५ का लागि अध्यक्ष सुनिता खरेल थपलियाको नेतृत्वमा ७ सदस्यीय नयाँ कार्य समितिको घोषणा गरिएको छ ।
समितिको कार्यकारिणी उपाध्यक्षमा कुलप्रसाद गौतम (शिवहरि) र रामेश्वर महतो, उपाध्यक्षमा बिक्रम दाहाल, तीर्थराज पौडेल (नवराज) अरविन्द राय यादव र सुवास मण्डल रहेका छन् ।
