सर्लाही,पुस-८, जिल्लाकाे हरिपुर नगरपालिका -३ फरहदवामा माेटरसाइकल ट्याक्टरमा ठाेकिदा एक जनाको मृत्यु भएको छ।
मृत्यु हुनेमा माेटरसाइकल चालक कबिलासी नगरपालिका -७ बस्ने रामसुदिस रायको छोरा अन्दाजी १८/१९ वर्षीय चन्दन राय यादव रहेको ईलाका प्रहरी कार्यालय हरिपुरका प्रहरी निरीक्षक राेमनराज अर्यालले जानकारी दिए ।
प्रहरी निरीक्षक अर्यालका अनुसार साेमवार साँझ अन्दाजी ६:१० बजेको समयमा फरहदवा चिरानमिल स्थित नवलपुर मलंगवा सडक खण्डमा हरिपुरबाट गैर तर्फ जादै गरेको ज.२ त.४५२ नं. को वालुवा लोड गरेको ट्याक्टरमा मृतक चन्दन यादवले चलाएको BR 05 AQ 8759 नम्बरको माेटरसाइकले पछाडीबाट ठक्कर दिएको थियो ।
ट्याक्टरमा ठाेकिएपछि शरिरको बिभिन्न भागमा चोट लागि गम्भिर घाइते भएका यादवलाई उपचारको लागि प्रादेशिक अस्पताल मलंगवामा पठाईएकोमा डाक्टरले मृत घाेषणा गरेका थिए ।
मृतकको लाश सोही अस्पतालमा रहेको प्रहरीले जनाएको छ । ट्याक्टर र माेटरसाइकल नियनत्रणमा रहेकाे, ट्याक्टर चालक फरार रहेकाले खाेजतलास कार्य भइरहेको प्रहरीले जनाएको छ।
