रौतहट ,असोज-११ , श्रीमतीलाई आगो लगाएर हत्या गरेको आरोपमा रौतहटको इशनाथ नगरपालिका का एक युवकलाई प्रहरीले पक्राउ गरेको छ ।
पक्राउ पर्नेमा इशनाथ नगरपालिका-२ औरैयाका २४ वर्षीय रोशन साह सोनार रहेका छन् । उनले २२ वर्षीया श्रीमती पिंकी देवीलाई मट्टितेल खन्याएर आगो लगाएकाे प्रहरीको आरोप छ ।
रौतहटका उपरीक्षक दिलिप घिमिरेका अनुसार विश्वकर्मा पुजाका दिन खेतमा पानी हाल्ने पम्पको ट्याकींबाट मट्टितेल झिकेर आगो लगाएको र श्रीमतीले गुहार मागेपछि ढोका खोलेर उल्टै बचाउने नाटक गरेका थिए ।
श्रीमतीलाई जलाएको आरोपमा कर्तव्य ज्यान मुद्धामा उनलाई कानूनी कारवाही अगाडी बढाइएको उपरीक्षक घिमिरेले बताए । गम्भीर घाइते महिलाको उपचारको क्रममा बिहिवार कीर्तिपुरमा निधन भएको थियो ।
पिंकीको शव उपचार खर्च बुझाउन नसक्दा अस्पतालमै रहेको पारिवारिक स्राेतले जनाएको छ ।
