सर्लाही,जेठ -२०,जिल्लाकाे बरहथवा नगरपालिका -१७ वडा कार्यालय नजिकै मंगलवार (आज) बिहानी पख अन्दाजी २:५० बजेको समयमा माेटरसाईकल अनियन्त्रित भई पुल मुनि खस्दा एक युवाको मृत्यु भएको छ ।
ईलाका प्रहरी कार्यालय मुर्तियाका अनुसार मृत्युु हुनेमा जिल्लाकाे मलंगवा नगरपालिका -४ बस्ने कैलाश रायका छोरा अन्दाजी ३५ वर्षीय घनश्याम राय रहेका छन् ।
बरहथवा -१७ कटानीबाट ना. ४६ प .२८२० नम्बरको माेटरसाईकलमा सवारभई कडरिया टोल तर्फ जादै गरेका राय सवार माेटरसाईकल आफैअनियन्त्रित भई पुलको दाहिने साईडबाट २-३ मिटर तल खस्दा उनको टाउको,निधार र दुबै आखा माथि गहिरो चोट लागेको थियोे ।
गहिरो चाेट लागेका रायलाई बरहथवा स्थित भेनस हस्पिटलमा प्रारम्भिक उपचार पछि थपउपचारको लगी LS न्युरो अस्पताल बारामा लगिएकोमा उपचारको क्रममा मंगलवार (आज) बिहान ५:५५ बजे डक्टरले मृत घोषणा गरेका जिल्ला प्रहरी कार्यालय मलंगवाका सूचना अधिकारी प्रहरी नायब उपरीक्षक (डिएसपी) सरोज राईले जानकारी दिए ।
मृतक राय सवार माेटरसाईकल ईलाका प्रहरी कार्यालय मुर्तियामा रहेको प्रहरीले जनाएको छ ।
