सर्लाही ,असाेज- १५, जिल्लाकाे लालबन्दी नगरपालिका–१६, परवानिपुरमा घरमा एक्लै बस्दै आएकी एक वृद्धा मृत अवस्थामा फेला परेकी छन् ।
प्रहरीका अनुसार शव सड्न थालिसकेको अवस्थामा परवानिपुर चोक स्थित आफ्नै घर भित्र ७३ वर्षीया वृद्धा जगतदेवि बस्नेत मृत फेला परेकी हुन् ।
इलाका प्रहरी कार्यालय लालबन्दीका प्रहरी निरीक्षक सुजन पाठकका अनुसार शवको अवस्था हेर्दा वृद्धाको दुई – तीन दिनअघि नै मृत्यु भएको जस्तो देखिएको छ ।
मृतकको शव पोष्टमार्टमका लागि प्रादेशिक अस्पताल मलंगवा पठाइएको प्रहरी निरीक्षक पाठकले जानकारी दिए । वृद्धाकाे मृत्यु प्राकृतिनै हुनसक्ने प्रहरीको अनुमान छ ।
