काठमाण्डौ,असाेज-१२, केही दिन देखि भइरहेको निरन्तरकाे वर्षाका कारण आएको बाढी र झरेको पहिरोमा परी काठमाण्डौ उपत्यकामा मात्र ३४ जनाको मृत्यु भएको छ ।
बाढी र डुबानमा परि काठमाण्डौमा ११ , ललितपुरमा १८ जना र भक्तपुरमा पाँच जना गरी ३४ जनाको मृत्युु भएको काठमाडौं उपत्यका प्रहरी कार्यालय रानिपोखरीले जनाएको छ ।
उपत्यका प्रहरी कार्यालय रानिपोखरीका सूचना अधिकारी एवम् प्रहरी उपरिक्षक एसएसपी विनोद घिमिरेका अनुसार यी तीन जिल्लाका मात्र १७ जना बेपत्ता भएका छन् ।
त्यस्तै काठमाण्डौमा १०, ललितपुरमा ५ र भक्तपुरमा २ जना गरी १७ जना घाइते भएका छन् ।
सुरक्षाकर्मी, काठमाण्डौ उपत्यकामा मात्र एक हजार तीन सय १५ जनालाई उद्धार गरेका छन् ।
यस्तै ७९ वटा पशुचौपाय मरेका र दुई हजार दुई सय ४१ वटा घर डुवानमा परेका छन् ।
अहिलेसम्म देशभर बाढी र पहिरोको घटनामा परेर मृत्यु हुनेकाे संख्या ३७ पुगेको छ । त्यस्तै ५१ जना बेपत्ता भएका छन ।
