मिति: २०८२ कार्तिक १८ गते, मंगलवार
तिथि: कार्तिक शुक्लपक्ष चतुर्दशी
नक्षत्र: बिहान ११:५२ बजेसम्म रेवती, त्यसपछि अश्विनी
चन्द्रराशि: बिहान मीन, ११:५२ पछि मेष
मेष (चु, चे, चो, ला, लि, लु, ले, लो, अ)
चुनौतीपूर्ण कार्यमा हात हाल्न केही समय प्रतीक्षा गर्नु उपयुक्त हुनेछ। छरछिमेकसँग असमझदारी बढ्ने सम्भावना भए पनि मध्याह्नपछि स्थिति सुधार हुनेछ। शुभचिन्तकहरूको साथले लक्ष्य पूरा हुनेछ। टाढाका साथीभाइको निम्तो आउन सक्छ। पारिवारिक भेटघाटले हर्षको माहोल ल्याउनेछ।
वृष (इ, उ, ए, ओ, बा, बि, बु, बे, बो)
लगनशील प्रयासले दिगो कामको सुरुवात हुन सक्छ। ऋणमोचनको सम्भावना छ। यद्यपि रकम हातमा परे पनि खर्च बढ्नेछ। आफ्नै मेहनतबाट अरूले फाइदा उठाउने प्रयास गर्न सक्छन्। मध्याह्नपछि आकस्मिक खर्चले अर्थ संकलनमा अवरोध आउन सक्छ। यात्रा वा जोखिमपूर्ण कार्यका अवसर जुट्नेछन्, जसले पछि फाइदा दिलाउनेछ।
मिथुन (का, कि, कु, घ, ङ, छ, के, को, ह)
समाजमा प्रशंसनीय काम गर्दै लोकप्रियता हासिल गर्न सकिनेछ। आफ्नो क्षेत्रमा प्रभाव जमाउन सकिनेछ। कीर्तिमानी उपलब्धि प्राप्त गर्ने समय हो। साथीसँगको सहकार्यले मनग्य फाइदा हुनेछ। मध्याह्नपछि आम्दानी बढ्नेछ र नयाँ स्रोतहरू फेला पर्नेछन्। यद्यपि आकस्मिक समस्याले केही खर्च गराउन सक्छ। धनसंचयमा ध्यान दिनु बुद्धिमानी हुनेछ।
कर्कट (हि, हु, हे, हो, डा, डि, डु, डे, डो)
लगनशील प्रयासले नयाँ अवसरहरू प्राप्त हुनेछन् र दैनिकीमा सकारात्मक परिवर्तन आउन सक्छ। पेसा वा व्यवसायमा फाइदा हुनेछ। हिम्मत र धैर्यले काम सफल बनाउनेछ। मध्याह्नपछि अरूको सहयोग प्राप्त हुनेछ। प्रयत्न गर्दा जिम्मेवारी र प्रतिष्ठा बढ्नेछ। समुदायको हितमा काम गर्न पाउने मौका मिल्नेछ। सामाजिक उत्तरदायित्व वहन गर्दै सम्मान प्राप्त हुनेछ।
सिंह (मा, मि, मु, मे, मो, टा, टि, टु, टे)
स्वास्थ्यमा कमजोरीले चिताएका काम पूरा गर्न ढिलाइ हुन सक्छ। जिम्मेवारी भने बढ्नेछन्। काम बिग्रने डरले मन अस्थिर हुन सक्छ। मध्याह्नपछि भने सामाजिक कार्यमा संलग्न भइनेछ। गुमाएको स्थान पुनः प्राप्त गर्न सकिनेछ र समाजमा प्रतिष्ठा बढ्नेछ। प्रभावशाली व्यक्तिहरूबाट सहयोग पाइनेछ। आर्थिक लाभका संकेत पनि छन्।
कन्या (टो, प, पि, पु, ष, ण, ठ, पे, पो)
बिहानको समय रमाइलो र कार्यका लागि अनुकूल रहनेछ। परिवारजनको साथले नयाँ आशा जगाउनेछ। मनपर्ने वस्तु प्राप्त हुने सम्भावना छ। मध्याह्नपछि केही चुनौती आउनेछन्। आफ्नै प्रयासबाट अरूले लाभ उठाउन खोज्नेछन्। स्वास्थ्यमा समस्या आउन सक्छ र उपचारमा खर्च बढ्नेछ। सानातिना विवाद वा आर्थिक अभावले तनाव दिन सक्छ।
तुला (र, रि, रु, रे, रो, ता, ति, तु, ते)
मेहनत र लगनशीलताले सजिलै लक्ष्यमा पुग्न सकिनेछ। प्रतिस्पर्धामा सफलता मिल्नेछ। भौतिक सुविधा र दिगो लाभ प्राप्त हुने काम सुरु हुन सक्छ। प्रतिष्ठा र अधिकार कायम रहन्छ। मध्याह्नपछि रमाइलो जमघटमा सहभागी भइनेछ। प्रियजनसँग भेटघाट र सम्मान प्राप्ति हुने योग छ। व्यापार–व्यवसायमा मनग्य लाभ हुनेछ।
वृश्चिक (तो, ना, नि, नु, ने, नो, या, यि, यु)
बिहानको समय कार्यका लागि लाभदायी हुनेछ। पारिवारिक सहयोगले नयाँ आशा जगाउनेछ। मनपर्ने वस्तु र भौतिक सुविधा प्राप्त हुने सम्भावना छ। मध्याह्नपछि नयाँ काम सुरु गर्ने अवसर प्राप्त हुनेछ। मिहिनेतले राम्रो प्रतिफल दिनेछ। पहिले प्रतिस्पर्धा गर्नेहरू पनि सहयोगी बन्न सक्छन्। सानो फाइदा भए पनि त्यो दिगो हुने संकेत छ।
धनु (ये, यो, भ, भि, भु, ध, फा, ढ, भे)
आत्मविश्वासको कमीले अवसर गुम्न सक्छ। आश्वासन दिनेहरूले भ्रममा पार्न सक्छन्। अप्ठ्यारा परिस्थिति सामना गर्नुपर्ला। पुराना समस्या दोहोरिन सक्ने सम्भावना छ। मध्याह्नपछि परिस्थिति सुधार हुनेछ र सजिलै लक्ष्य प्राप्ति हुन सक्छ। बुद्धिको प्रयोगले प्रतिष्ठा कायम रहनेछ। रचनात्मक कार्यमा संलग्न हुँदा मनग्य फाइदा हुनेछ। प्रतिस्पर्धीहरूलाई पछि पार्न सकिनेछ।
मकर (भो, ज, जि, खि, खु, खे, खो, गा, गि)
छोटो समयमा उपलब्धि प्राप्त गर्ने मौका मिल्नेछ। भौतिक साधन सङ्कलन गर्ने अवसर छ। प्रतिस्पर्धीहरूलाई पछाडि पार्न सकिनेछ। चिताएका काम पूरा हुन सक्छन्। मध्याह्नपछि साथीहरूबीच सन्तुलन कायम राख्नुहोस्। हतारमा काम गर्दा मेहनत खेर जान सक्छ। आँटेको काम बिग्रन सक्छ, तर प्रयास दोहोर्याउँदा सफलता सम्भव छ।
कुम्भ (गु, गे, गो, सा, सि, सु, से, सो, द)
लगनशीलताले प्रशंसकहरू बढ्नेछन् र धनलाभ हुनेछ। विचार र बोलीले अरूलाई प्रभावित पार्न सकिनेछ। प्रतीक्षित नतिजाले उत्साह बढाउनेछ। मध्याह्नपछि साथीभाइबाट सहयोग प्राप्त हुनेछ। दिगो फाइदा हुने काम सुरु गर्न यो समय शुभ छ। भौतिक साधन जुट्नेछन् र व्यापारमा मनग्य लाभ प्राप्त हुनेछ।
मीन (दि, दु, थ, झ, ञ, दे, दो, च, चि)
लगनशील प्रयासले नयाँ अवसरहरू प्राप्त हुनेछन् र दैनिकीमा सुधार आउनेछ। साहस र आत्मविश्वासले सफलता दिलाउनेछ। ईर्ष्यालुहरूको मनोबल घट्नेछ। सानो प्रयासले ठूलो फाइदा हुनेछ। दीर्घकालीन लाभ हुने योजना सुरु गर्न सकिनेछ। बोलीको प्रभावले काम बन्नेछ। तार्किक क्षमताले मानसम्मान र आर्थिक फाइदा दिलाउनेछ।
