सर्लाही,वैशाख -३१,अढाई दशक बढी समयदेखि पत्रकारितामा क्रियाशील राैतहटका पत्रकार फणिदेव महतको गएराति निधन भएको छ। पत्रपत्रिका,अनलाइन र रेडियो पत्रकारितामा निरन्तर क्रियाशील महत ब्रेन ट्युमरका कारण मृत्यु भएको हाे ।
उनलेे लामो समयदेखि नेपाल र भारतका अस्पतालहरूमा ब्रेन ट्युमरकाे उपचार गराइरहेका थिए ।
४८ वर्षीय स्वर्गीय पत्रकार महत अन्नपूर्णपोसष्ट दैनिकका रौतहट सम्वाददाता, रेडियो सुप्रिमका सञ्चालक र कलमपाटी डटकमका संस्थापक हुन । उनी प्रेस चौतारी नेपालकाे मधेश प्रदेश अध्यक्ष भएका थिए।
खोज पत्रकारिता मार्फ दलित र विपन्न समुदायका समस्या उठाउन गरि समस्या समाधानका लागि सम्बन्धित निकायलाई सुझाउने महतको निधनको खबर पछि सञ्चारकर्मीहरू शोकमा डुबेको छन् ।
नेपाल पत्रकार महासंघ रौतहट शाखाले शाेक विज्ञप्ति जारी गर्दै दुः व्यक्त गरेको छ । अध्यक्ष सञ्जयकुमार कार्कीद्वारा जारी शाेक विज्ञप्तिमा महतको निधनले देशकै पत्रकारिताका लागि अपूरणीय क्षति भएको उल्लेख छ।
पत्रकार महतको पार्थिव शरीरलाई बुधवार ( आज) दिउँसो १२ बजे श्रद्धाञ्जी पछि राैतहटकाे बागमतीमा दाहसंस्कार गरिने पारिवारिक स्राेतले जनाएको छ ।
पत्रकार महतको आत्माले शान्ति पाओस् भावपूर्ण श्रद्धाञ्जली (चियाेचर्चाे खबर ) परिवार ।
