काठमाण्डौ,मंसिर –१५, काठमाण्डौमा बसको ढोकाबाट खसेर दुई जनाको मृत्यु भएको छ ।
प्रवक्ता प्रहरी नायब महानिरीक्षक दानबहादुर कार्कीका अनुसार तारकेश्वर नगरपालिका–८ शेषमतीको लामबगर शान्तिटोल गेट नजिक बा ४ ख ७१११ नम्बरको बसको ढोकाबाट खसेर दुई जनाको मृत्यु भएको हाे ।
मृत्यु हुनेमा नुवाकोट ककनी गाउँपालिका–५ का ५० वर्षीय सन्चबहादुर लामा र तादी गाउँपालिका–१ घर भई काठमाण्डौं तारकेश्वर–८ लामबगर का ५८ वर्षीया सुन्तली ओझा रहेका छन्।
बसबाट खसेर घाइते भएका बसका सह–चालकको राष्ट्रिय ट्रमासेन्टरमा उपचार चलिरहेको प्रहरीले जनाएको छ ।
बस चालक भने फरार रहेको प्रहरीले जनाएको छ ।
