सर्लाही, माघ-१३, जिल्लाकाे हरिपुर नगरपालिकाको प्रमुख प्रशासकीय अधिकृतको जिम्मेवारी विनय पौडेलले सम्हालेका छन्।
सङ्घीय मामिला तथा सामान्य प्रशासन मन्त्रालयले शुक्रवार पौडेललाई हरिपुर नगरपालिकाको प्रमुख प्रशासकीय अधिकृतको जिम्मेवारी दिने निर्णय गरेको थियो ।
तीन महिनादेखि प्रमुख प्रशासकीय अधिकृत विहीन रहेको नगरपालिकाले आइतवारदेखि प्रमुख प्रशासकीय अधिकृत पाएको हो ।
प्रमुख प्रशासकीय अधिकृत नहुँदा नगरपालिकाले आर्थिक वर्ष २०८१/८२ को कुनै योजना संचालन गर्न सकेको थिएन भने कर्मचारीहरूको तलब भत्ता समेत रोकिएको थियो ।
तीन महिना अघि प्रमुख प्रशासकीय अधिकृत ओमप्रकाश महतोको सरुवा भएपछि मन्त्रालयले यहाँ प्रमुख प्रशासकीय अधिकृत पठाएको थिएन ।
