ललाबन्दी,पुस—२१, सर्लाहीको लालबन्दी नगरपालिका–३, जब्दीमा बुधवार बेवारिसे अवस्थामा नलकटुवा पेस्तोल फेला परेको छ ।
जब्दी स्थित नहरमा काँसघारीमा रहेको झोलाभित्र चेन खुलै रहेको अवस्थामा एक थान नलकटुवा पेस्तोल बरामद भएको इलाका प्रहरी कार्यालय लालबन्दीका प्रहरी निरीक्षक निर्मल थापाले जानकारी दिए ।
पेसतोल रहेको झोलामा रहेको बिष्फोटक पदार्थ भने नेपाली सेनाको भैरबी दल गण पाँचकुमारीको टोली पुगेर नष्ट गरेको छ ।
उक्त पेस्तोल र बिष्फोटक पदार्थ कस्ले र किन राखेको हो भन्ने विषयमा अनुसन्धान जारी रहेको प्रहरी निरीक्षक थापाले बताए ।
बुधबार बिहान जब्दीस्थित बागमती सिंचाई आयोजनाको नहरस्थित काँसघारीमा बेवारिसे अवस्थामा रहेको झोलामा पेस्तोल सहितको शंकास्पद बस्तु फेला परेपछि स्थानीयले प्रहरीमा खबर गरेका थिए । तत्कालै लालबन्दीबाट खटिगएको प्रहरी टोलीले घटनास्थल सुरक्षित गरी सेनाको सहयोगमा बिष्फोटक पदार्थ बिष्फोट गराई पेस्तोल बरामद गरेको हो थियो ।
