सर्लाही,पुस-१९, जिल्लाकाे नारायण जनता माध्यमिक विद्यालय,लालबन्दी-१२, जियाजाेरमा अध्ययनरत ५ सय बढी विद्यार्थीलाई ट्य्राक सुट (न्यानाे कपडा) वितरण गरिएको छ ।
लालबन्दी नगरपालिका वडानम्बर -१२ ले आज शुक्रवार विद्यालयमा एक कार्यक्रमकाे आयोजना गरि ६ लाख ५० हजार मूल्य बराबरको ट्य्राक सुट (न्यानाे कपडा) वितरण गरेको हाे ।
विद्यालय व्यवस्थापन समिति अध्यक्ष लुङ्गुदाेर्जे वाइबाकाे सभाध्यक्षता तथा वडा नम्बर -१२ का वडाध्यक्ष दुर्गाबहादुर आलेकाे प्रमुख आतिथ्यतामा बालविकासदेखि कक्षा- १२ सम्म अध्ययनरत विद्यार्थीहरूलाई ट्य्राक सुट (न्यानाे कपडा) वितरण गरिएको विद्यालयका शिक्षक विवश पाैडेलले चियाेचर्चाे खबरलाई जानकारी दिए ।
विद्यालयका प्रधानाध्यापक नवराज थापाकाे संयाेजकत्वमा भएको ट्य्राक सुट (न्यानाे कपडा) वितरण कार्यक्रममा विद्यालय पूर्व व्यवस्थापन समिति अध्यक्ष नारायण गुर्मछान,उमेश ठाेकर लगायतको उपस्थिति रहेको थियो ।
