अजितकुमार सिंह/सर्लाही,जेठ -२५, जिल्लाको धनकौल गाउपालिका – ६ मा लुकाएर राखेको भारतीय रासायनिक मल बरामद गर्ने क्रममा प्रहरी र स्थानीय बीच झडप भएको छ।
बिहीवार (आज) दिउँसो स्थानीय राजु सहनीको घरमा लुकाएर राखेको मल बरामद गर्न खोज्दा प्रहरी माथि स्थानीयले आक्रमण गरेको बताइएको छ।
स्थिति नियन्त्रणमा लिन पाँच राउन्ड अश्रुग्यास प्रहार गरिएको जिल्ला प्रहरी कार्यालय सर्लाहीका प्रहरी नायव उपरीक्षक दिपेन्द्र पजियारले जानकारी दिए ।
झडप परि केही स्थानीयसहित प्रहरी निरीक्षक सुमित कुशवाहा र प्रहरी जवान कन्हैया साह घाइते भएका छन्। प्रहरीले ७० बोरा रासायनिक मल बरामद गरि भन्सार कार्यालयलाई बुझएको जनाएको छ ।
