जनकपुरधाम,असोज—१०,टिपरको ठक्करबाट जनकपुरमा एक जना पैदल यात्रीको मृत्यु भएको छ । पैदल यात्रीको मृत्य पछि आक्रोसित स्थानीयले जनकपुरधामको पिडारी चोकमा टिपरमा आगजनी गरेका छन् ।
धनुषाका एसपी प्रकाश रानाभाटका अनुसार ना. ७ ख. ४७४१ नम्बरको टिपरको ठक्करबाट भारतीय नागरिक अन्दाजी ४५ वर्षीय आनन्द किशोर दासको मृत्यू भएको हो । दासको घटनास्थलमै मृत्यू भएपछि आक्रोसित स्थानीयले ठक्कर दिने टिपरमा आगजनी गरेका हुन ।
दासलाई गलत बाटोबाट हिड्दै गर्दा टिपरले ठक्कर दिएको र उनको घटनास्थलमै मृ–त्यू भएको प्रहरीले जनाएको छ । ठक्कर दिने टिपर चालकलाई नियन्त्रणमा रहेको प्रहरीले जनाएको छ । ठक्कर दिनेलाई कडा कारबाहीको माग गर्दै स्थानीय प्रदर्शनमा उत्रे पछि । त्याहाँ ठूलो संख्यामा सुरक्षाकर्मी परिचालन गरिएको छ । आगजनीबाट टिपर क्षतिग्रस्त भएको प्रहरीले जनाएको छ ।
