विराटनगर,असाेज-१०, विराटनगरबाट उदयपुरको गाइघाट आउँदै गरेको यात्रुबाहक बस कोशी ब्यारेजमा खसेको छ ।
सुनसरीका प्रहरी उपरीक्षक (एसपी) विपिन रेग्मीका अनुसार बिहीवार साँझ कोशी ब्यारेजमा यात्रुबाहक बस खसेको हाे ।
उनका अनुसार विराटनगरबाट गाइघाटतर्फ जाँदै गरेको को १ ख ४६०१ नम्बरको बस ब्यारेजको ३५ नम्बर ढोकाबाट खसेको हो।
‘बसमा कतिजना सवार थिए भन्ने यकिन खुलिसकेको छैन, हामीले घटनास्थलबाट २० जनाको उद्धार गरेका छौँ,’ उनले भने, ‘विराटनगरबाट गाइघाट जाँदै गरेको बस आज साँझ खसेको हो ।
थप अनुसन्धान भइरहेको छ ।’ घटनास्थलबाट तत्काल २० जनाको उद्धार भएको उनले जानकारी दिए ।
बसमा कतिजना सवार थिए भन्ने यकिन भइनसकेको एसपी रेग्मीले बताए ।
ब्यारेजको पुलमा गुडिरहेको बस आफैं अनियन्त्रित भएर पुलको बार भत्काउँदै नदीमा खसेको प्रहरीले जनाएको छ ।
